LAOAG CITY – Nasugatan ti lima a volunteer ti Lebanese Red Cross kalpasan ti nagsaruno nga airstrike ti Israel a nakatamaan ti balay iti Srebbine iti southern Lebanon.
Inbatad ti Red Cross a dagiti volunteers ket manarimaan a maag-agasan iti Lebanese hospital ken adda da iti natalged a kasasaad.
Basar iti grupo, bayat ti panagbiruk dagiti volunteers kadagiti casualties tapno maisalakan da ket timmama ti airstrike iti balay a nakasugatan dagiti biktima ken nadadael ti dua nga ambulansya.
Inpaganetget ti Red Cross a masapol a maprotehiran dagiti volunteers kabayatan ti panag-rescue da kadagiti casualties.
Agpapan ita ket awan pay ti inparuk-at a komento ti Israel Defense Forces seknan iti napasamak.
