LAOAG CITY – Saan a bumaba iti lima a baro ti naraot iti Persian Gulf iti Strait of Hormuz kalpasan ti maipagarop a panangraot dagiti babassit a bangka nga addaan ti karga nga eksplosibo manipod Iran ti dua a fuel tanker iti kabaybayan a sakopen ti Iraq.
Daytoy ket basar kadagiti opisyal iti pantalan ken dagiti kompanya ti maritime security.
Nauram ti dua a tanker ken maysa a crew member ti natay idinto nga agtultuloy a birbiruken dagiti rescue team ti dadduma a mapukpukaw.
Basar kadagiti report, karaman kadagiti barko a naraot ket ti Safesea Vishnu ken Zefyros, nga agpada nga adda ti karga na a fuel manipod iti Iraq.
Maibilang ti insidente kas nangdegdeg ti tensyon iti nagbaetan ti Iran ken dagiti pwersa ti Estados Unidos ken Israel, no sadinno nga umaboten iti 16 a barko ti nadadael sipud nangrugi dagiti panagatake idi Pebrero 28 ita a tawen.
Gapu iti agtultuloy a riribok iti Strait of Hormuz, a pagdaldalanan ti agarop apagkapat ti suplay ti langis iti lubong, arigna nagsardengen ti shipping iti lugar.
Nangitunda daytoy ti panagngato ti presyo ti langis iti world market, nga umabot iti kangatoan a lebel sipud idi 2022.
