LAOAG CITY – Inbatad ni Mayor Rafael Benemerito iti ili ti Pagudpud a saan nga inaprobaran ti konseho ti 5 a milyon a pisos nga igatang da koma ti bakuna kontra iti covid-19 virus.
Inbaga ti mayor a ti rason ti konseho ket kurang ti nasao a gatad nga igatang da ti bakuna.
Gapu iti daytoy, maluksaw ti mayor gapu ta plano paylaeng daytoy ngem saanen nga inaprubaran ti konseho.
Innayon na a no kayat da a manayunan ti pondo ket mabalin danto manen ti mangilatang ti sabali a pondo.
Naamoan a ti 5 a milyon a pisos ket manipod iti pondo ti lokal a gobierno iti ili ti Pagudpud.
Inpakaammo ni Benemerito nga ipadas danto manen nga ipa-aprobar ti nasao a pondo.
