LAOAG CITY – Naulimek ken arigna awan a pulos ti makita nga agwarang-warang iti intero a Brgy. 32-B Lapaz West ditoy siudad ti Laoag.
Daytoy ket kalpasan a naipatungpal ti lockdown wenno strict stay at home order partikular iti 50 a pagtaengan iti Sitio Dos iti nasao a barangay gapu iti nagpositibo iti covid-19 a ni IN-C645, maysa a lalaki, agtawen ti 71, barangay official ken symptomatic.
Mainaig iti daytoy, dumalan met dagiti amin nga opisyal ti barangay pakairamanan dagiti barangay tanod ken BHW iti panagquarantine kalpasan a dagitoy ti maibilang a primary exposure ni IN-C645.
Kabayatanna, inmandar ni PLt. Col. Rafae Lero, hepe ti PNP-Laoag ti 24 nga oras a pannakabantay ti nasao a lugar iti uneg ti pito nga aldaw tapno mamonitor a kanayun ti sitwayson.
Nu pay kasta, inlawlawag ni Lero a dagiti dumalysat iti Sitio dos nga aggapo ken mapan kadagiti dadduma a sitio ket mapalubusan.
Daytoy ket pakairamanan dagiti saan a nakapulapol ti nagpositibo ken dagiti APOR.
Dimmalan metten dagiti primary contacts ni IN-C645 iti swab test ken agpapan ita ket maiyur-uray ti resulta daytoy.
