LAOAG CITY – Inpakaammo ni Sen Ban Aquino nga adu ti bilang dagiti estudyante a saan a makalpas iti kolehiyo gapu iti problema da a pagmatrikula.
Kuna na nga umabot ti nasurok 50 a porsiento dagiti saan a makaituloy ti panagadal da wenno drop out rason nga isu ti nakagutitgotan na nga inpasa ti gakat a Universal Access to Quality Tertiary Education Act wenno Free Tuition in SUC’s Act.
Mainaig iti daytoy, inbatad ni Aquino nga adda met ti benepisyo ti akta kadagiti pribado a kolehiyo ken unibersidad kas iti scholarship grant a magun-od dagiti estudyante.
Innayon ni Aquino, adda pay ti student loan program nga aplikaran dagiti agad-adal ken bayadan da dagiti nailoan no addan to ti trabaho dan babaen iti SSS ken GSIS payments.
