LAOAG CITY – Kinumpirmaran ni Bombo International News Correspondent Denmark Suede, maysa a registerd nurse idiay Sydney, Australia a 500-million australian dollar a balor ti bakuna ti libre a maipaay kadagiti pito a Southeast Asian Countries pakairamanan ti Pilipinas.
Inbatad na a daytoy ket paset ti vaccine diplomacy tapno labanan ti Chinese influence iti Asya.
Nu pay kasta, kuna na a saan pay a masinunuo nu kaano a maala ti pagilyan ti bakuna nga umabot iti 22 a milyon a doses a bayadan ti Australia gapu ta adda ti panagkurkurang ti suplay.
Inpakaamo na nga uray ti Australia a nag-order ti agaop 140-million a doses ti bakuna ket saan pay a nakaawat ti animan a covid-19 vaccine manipod iti Pfizer, Covax Facility, Astraneca ken ti Novavax.
Nu pay kasta, kuna na nga apaman a maawat ton ti Australia ti suplay ti bakuna ket umuna a matudukan dagiti adda iti emergency room, ICU ken immigration officers.
Kabayatanna, inbunannag ni Suede a nu maipaggep iti health protocols ket arigna nawaya ti Australia gapu ta saan a nasken ti panagisuot ti face shield ken face mask nu pay adda iti pampubliko a lugar.
