LAOAG CITY – Balligi ti naiyuswat a blood letting activity iti Ilocos Norte Police Provincial Office (INPPO) ti Bombo Radyo Laoag ti media partner na iti daytoy nga aktibidad.
Umabot ti 53 a tattao ti balligi a blood donors ken katukad daytoy iti 35300 cc.
Inbatad met ni Dr. Maria Lourdes Otayza iti MMMH & MC a dakkel a tulong ti maukkon a dara para kadagiti agkasapulan nangruna ket mapaspasaran iti agdama ti pandemya.
Kunana nga iti agdama ket agkurkurang ti dara isut gapo na a nagyaman da iti naorganisar nga aktibidad ti PNP ken ti Bombo Radyo kasta met iti ospital.
Segun kenni Otayza, ita a panawen ti panagtutudo ken mabalin nga adda ti agsakit iti dengue ken iti agdama pandemya a saan a marigatan ti ospital a mangmenihar iti daytoy no naiget a makikokoordenar ti publiko ken komunidad.
Nagbalin nga ehemplo ni Otayza iti rakurak na ket ti naiyuswat a blodd letting activity, panagdalos iti aglawlaw ken dadduma pay a wagas.
Nagpanawagan met daytoy iti publiko a pagtalinaeden a nadalos ti aglawlaw tapno maliklikan ti sakit a dengue kangrunaan na ita nga adda ti pandemya.
Kabayatanna, kuna ni Police Col. Christopher Abrahano, ti Provincial Director ken balligi a blood donor a ti napirmaan ti MOA ket mangipakita iti pannakikoordinar da iti ospital.
