LAOAG CITY – Inrakurak ti National Unity Party (NUP) a possible a saan da nga agbotos para iti baro nga impeachment kontra ken ni Vice President Sara Duterte no awan ti makita da “compelling new evidence” iti reklamo.
Kagiddan iti daytoy, inlawlawag ti maysa a lider ti partido nga awan pay ti party stand iti isyu ken agbotos dagiti miembro da maibasar ti konsensya da.
Inpetteng pay ti National Unity Party a saan nga umdas nga usaren ti proseso ti impeachment kas political tool.
Inlawlawag ti partido a saan da a lapdan dagiti panagdengngeg ken agtalinaed da a silulukat iti panangtingiting iti aniaman a baro nga ebidensya a mabalin a maipakita iti deliberasyon.
Para iti partido, masapol nga unaen ti kongreso dagiti napapateg nga isyu iti pagilian no sadinno nga ado nga oras ken pondo ti Kamara de representantes ken Senado ti maibukbukbok iti proseso.
