LAOAG CITY – Inbatad ni Mr. Marionito Nerez, ti presidente ti Laoag-Gabu Jeepney Terminal nga agarop 54 a pisos ti nayun a gastos dagiti drivers gapo iti panagngato ti presyo dagiti produkto a petrolyo.
Segun kenni Nerez, ti 54 a pisos ket nayun iti paggasolina da para iti round trip a panagpasada da a pagdasen kadakuada.
Inpetteng na a daytoy ti kangrunaan a problema da iti laksid a 100 a porsiento ti mailugan da.
Mainaig iti daytoy, kuna ni Nerez a tulong da laengen kadagiti pasaheros ti panagpasada da iti laksid a nakaro ti panagsagaba da.
Kabayatanna, kuna na a manipud kadagiti 102 a units iti terminal da ket 70 laeng ti agpaspasada ngem tallo agingga iti uppat laeng a daras it panagbyahe da iti maysa a lawas.
