LAOAG CITY – Inaprobaran ti House panel ti gakat a mangipangato ti compulsory retirement age kadagiti officers ken non-officers ti Philippine National Police (PNP) iti tawen a 57 manipud iti 56.
Ti House Bill (HB) 11140 ket inaprobaran ti House Committee on Public Order and Safety a mangamendar iti Republic Act (RA) 6975 wenno ad-adda nga am-ammo iti Republic Act (RA) 6975 wenno ti Department of the Interior and Local Government Act of 1990.
Inbatad ni Santa Rosa City Rep. Dan Fernandez, committee chair, ti gakat a manayonan ti maysa a tawen ti panagretiro dagiti pulis ket tapno mapapigsa pay ti law enforcement operations.
Inlawlawag ni Atty. Ricardo Bernabe III, National Police Commission Vice Chairperson ken Executive Officer, ti gakat a retirement age ket nasken a nakalinya met iti internasyonal a praktis.
Mainaig iti daytoy, kadagiti dadduma a pagilian kas iti United Kingdom, Vietnam ken Australia, kunana nga 60 ti retirement age.
Sinuportaran met ti Civil Service Commission (CSC) ti nasao a gakat ken ti panangamendar iti retirement age ket inpettengna a rumbeng nga agpada iti military personnel iti babaen ti Republic Act (RA) 11939.
Inrakurak ni Major Gen. Edgar Alan Okubo a ti nasao a gakat ket mangipaay ti karebbengan iti puersa ti pulisia nga ad-adda pay a mausar ti kabaelan ken kapadasanda.
