LAOAG CITY – Inpakammo ti Department of Justice (DOJ) nga umaboten iti 57 a tulang ti tao ti narekobre iti Taal Lake iti napalabas a lawlawas a panagbirok kadagiti mapukpukaw a mammallot.
Segun kenni DOJ spokesperson Polo Martinez, dagiti tulang ti tao ket narekobre idi November 6, 17, ken 18.
Inbatad na nga idi November 6, adda laeng ti 25 a pidaso ti maipagarop a tulang iti tao ti nadiskubre ken nakolektar ken idi November 17 ket adda ti nainayun nga innem kasta met nga idi November 18 ket adda ti nakita a 26 a pidaso.
Maipalagip a sumagmamano a cockfighting enthusiasts ti apukpukaw sipud 2021 agingga iti 2022.
Inbatad dagiti pulis a dagiti mapukpukaw a tattao ket maipagarop a nakidnap gapo iti match fixing wnno panagswitik iti cockfighting games.
Kuna met ni Whistleblower Julie “Dondon” Patidongan a nasurok a 100 a mammallot ti nakidnap, napapatay ken naibelleng iti Taal Lake.
Nupay kasta, kuna ti DOJ a ti DNA analysis kadagiti narekobre nga ebidensya ket saan a positibo agpapan kadagitoy a gundaway nga isuda dagiti mapukpukaw.
