LAOAG CITY – Nabirukan ti innem a bangkay ti tatatto iti kwarto ti maysa a nagarbo nga hotel idiay Bangkok, Thailand.
Sumagmamano kadagiti natay ket Vietnamese ken American a nakita nga awanen ti biagna iti kuwarto ti five-star Grand Hyatt Erawan Bangkok.
Mamati dagiti otoridad a mabalin a nasabidongan dagiti nasao a biktima.
Personal a binisita ni Prime Minister Srettha Thavisin ti lugar ken inbilin na kadagiti otoridad ti panagimbestigar da a naimbag iti napasamak.
Kuna ti Prime minister a masapol a masolbar a dagus ti kaso gapu ta saanna a kayat a ti nasao nga insidente ket makadadael iti imahen ken turismo iti pagilian da.
