LAOAG CITY – Inbatad ni Police Major Joseph Tayaban, ti chief of police iti ili ti San Nicolas nga umaboten iti 60 a paltog ti naideposito iti opisina da kabayatan ti election gun ban para iti mapaspasangasangan a May 9, 2022 elections.
Inpakaammo ni Tayaban nga agpada a napag nagideposito ti paltog na da Mayor Alfredo Valdez ken ti kalaban na iti kina-mayor a ni Bokal Domingo Ambrocio.
Kuna na pay nga uray dagiti dadduma pay a kandidato iti ili ti San Nicolas ket napanda nagideposito ti paltog da iti kwerpo ti pulisya.
Innayon na a malaksid kadagiti kandidato ket adda pay dagiti suimagmamano a residente iti ili ti San Nicolas a napan nangipadulin pay laeng ti paltog da iti opisina da.
