LAOAG CITY – Umabot iti 60 a pamilya ti narescue manipod iti uppat a barangay iti ili ti Dingras iti iduduprak ti bagyo Carina.
Daytoy ti inbatad ni Mr. Hallston Joseph Castro, ti mangidadaulo iti Municipal Disaster Risk Reduction and Management Council iti nadakamat nga ili.
Segun ken ni Castro, manipod iti nasao a bilang ket 20 a pamilya ti aggapo iti Barangay Medina, 10 a pamilya manipod iti Barangay Parado, 24 a pamilya manipod iti Barangay Barong, ken innem a pamilya manipod iti Barangay Saludares.
Kabayatanna, inpakaammo ni Castro a dagiti nadadael nga inprastraktura iti iduduprak ti bagyo Egay ket ad-adda pay a kimmaro iti iduduprak ti bagyo Carina.
