LAOAG CITY – Binigbig ti gobierno lokal ditoy ciudad ti Laoag ti 65 nga empleado gapu iti kinabayag dan iti serbisyo.
Narekognisar ti Length of Service Awards dagitoy iti Civil Service Commission (CSC) iti Ilocos Norte Centennial Arena.
Segun iti gobierno lokal ditoy ciudad, adda dagiti awardee a nakadanon ti 43, 41 ken 40 a tawen ti serbisio, a maibilang a naisangsangayan para iti serbisio publiko.
Karaman pay a nabigbig ket dagiti empleado a nakadanon ti 35, 30, 25, 20 ken 15 a tawen.
Nagatendar iti nasao ng aktibidad da Ilocos Norte 1st District Rep. Sandro Marcos, Gov. Cecilia Araneta-Marcos, Mayor James Bryan Alcid ken opisyal iti Civil Service Commission.
Mainaig iti daytoy, nagyaman ni Mayor Alcid kadagiti nasao nga empleado gapo iti serbisio ken napasnek a panagserbi da iti city government ken para iti sibubukel a ciudad ti Laoag.
