LAOAG CITY – Inbatad ni Father Joey Ranjo, ti pannakangiwat iti Diocese of Laoag a no adda dagiti maibagbaga a mapasamak a milagro ket ti simbaan ti maudi a mangiproklamar.
Daytoy ket gapu ta kasapulan a maimbestigar a naimbag ti nasao a pasamak.
Inpalagip ni Ranjo nga adon dagiti napaspasamak iti kallabes nga immunan a naibagbaga a nagmilagro ngem saan a pormal nga inproklamar ti simbaan a milagro.
Inpetteng na nga uray ti demonyo ket mabalin na ti agaramid iti milagro isut gapuna a masapol a maimbestigar a nalaing dagiti kakastoy a pasamak.
Reaksyon na daytoy kalpasan a maipagarop a nagmilagro ti imahen ni Black nazarene a kukua ni Mrs. Minda Jacinto iti Barangay 2 ditoy ciudad ti Laoag babaen ti panagarubos ti dara manipod iti ulo ti nasao nga imahen.
