LAOAG CITY – Inpakaammo ni Fire Chief Inspector Arnel Ratuita, City Fire Marshal ti Bureau of Fire Protection ditoy siudad ti Laoag a nagkiddaw ti pito a fire extinguisher a mikabil kadagiti fire trucks.
Segun kenkuana, no mano ti bilang dagiti fire trucks ket isu met ti bilang dagiti fire extinguisher a maikabil kadagitoy.
Inlawlawagna nga awan ti fire extinguisher dagiti fire trucks ngem tapno al-alisto ti panagresponde kadagiti mapaspasamak nga uram ket nagkiddawda iti konseho.
Inbatadna a no bilang ti gasolina ti maur-uram ket fire extinguisher ti mausar a pangseseb daytoy.
Innayonna nga adda ti nagduduma a klase ti uram isu nga adda met ti klase ti fire extinguisher a mausar isut gapuna a kasapulan dagitoy a maammoan dagiti umili tapno ammoda ti ar-aramidenda no adda dagiti mapaspasamak nga uram.
Immuna iti daytoy, nagkamang iti nasao a City Fire Marshal ken ni Sangguniang Panlungsod Member Atty. Jayson Perera tapno agkiddaw ti fire extinguisher a maikabil kadagiti fire trucks kalpasan iti napasamak a pannakauram ti maysa a tangke ti tricycle iti rotunda ditoy siudad iti kallabes a naobserbaran ti konseho nga awan ti usar dagitoy a fire extinguisher.
