LAOAG CITY – Naideklara a drug cleared dagiti pito nga ili iti Ilocos Norte.
Daytoy ti inbatad ni P/Chief Insp. Dexter Corpuz, hepe ti Police Community Relations Office (PCR) iti PNP Provincial Office.
Binigbig ni Corpuz dagiti drug cleared iti probinsya dagiti ili nga Adams, Burgos, Carasi, Dumalneg, Banna, Dingras ken Marcos.
Kunana a babaen iti panangpasingked ti Anti Drug Abuse Council kadagiti barbarangay kadagiti nasao nga ili ken sinuportaran ti philippine Drug Enforcement Agency (PDEA) a poon ti nakaideklaran na a drug cleared dagitoy.
Kiniddaw ni Corpuz kadagiti nangato pay laeng ti rate na iti presensiya dagiti drug personality nga igetan da pay ti kampanya tapno maideklara da metten a drug clear.
