LAOAG CITY – Inreport ti Department of Health (DOH) a mapatta-patta a 70% dagiti matmatay iti Pilipinas ket gapu iti Non-Communicable Diseases (NCD or NCDs) kas ti hypertension, diabetes, ken cancer.
Gapu iti daytoy, maaddaan ti maikapat a mobile phone survey ti ahensya mangrugi ita nga aldaw ti Martes, Marso 10, 2026 agingga intono Mayo 31, 2026.
Gagem daytoy ti agkalap ti datos maipanggep kadagiti rason no kasanu a maaddaan ti Non-Communicable Diseases.
Agbalin a pagibasaran ti Department of Health dagiti sungbat iti panagaramid kadagiti pagannurutan ken programa nga evidence-based tapno masolusyonan ti problema t pagilian maipanggep kadagiti kaso ti Non-Communicable Diseases.
