LAOAG CITY – Inyakaren ti Iran dagiti short-range ballistic missiles idiay Russia tapno usarenda iti gubat kontra iti Ukraine.

Segun iti maysa nga intelligence group,  nakompletoda ti maysa a delivery no sadinno nga inpakdaar dagiti opisial ti Estados Unidos ken Western a trabtrabahoen da daytoyen iti uneg ti  dandani makatawen.

Saan a nalawag no kaano nga eksakto a naipaay dagiti missile, ngem naiwayat ti pannakayakar dagiti missile kabayatan a pinapigsa ti Russia ti panangrautda iti siudad ti Ukraine ken kabayatan nga agsagsagana ti Ukraine para kadagiti dadakkel a panangraut ti Russia iti imprastruktura ti enerhiana iti lugarda

Inbatad ni Ukraine President Volodymyr Zelensky kadagiti kaalyado iti miting ti Ukraine Defense Contact Group idiay Germany idi Biernes a kasapulan ti Ukraine ti ad-adu pay nga air defense systems.

Kabayatanna, ti pannakaipaay dagiti ballistic missiles ti mangipasimudaag iti panagrang-ay ti suporta ti Iran iti Russia.