LAOAG CITY – Binilin ni ni Presidente Ferdinand Marcos Jr. ti pannakabukel ti Office of the Presidential Adviser ti Marawi Rehabilitation and Development (OPAMRD), para iti alalisto a rebuilding ti Marawi City ken iti kabangibang na a lugar.
Iti babaen ti Executive Order No. 78, daytoy nga opisina ket idauluan ti Presidential Adviser for Marawi Rehabilitation (PAMR), nga adda iti babaen ti kontrol ken panangimaton ti Office of the Special Assistant to the President (OSAP).
Sumagmamano laeng kadagiti manamnama a function ti nasao a pangopisinaan ket ti panangipakaammu ken ni Presidente Marcos dagiti amin a banag wenno updates mainaig iti rehabilitasion, panagdur-as, ken pannakaisubli ti talna iti Marawi City.
Karaman pay ditoy ti administrasion, panangmonitor, panagkoordinar, ken panangitunos kadagiti amin nga estratehiya, programa, ken proyekto, agraman ti pannakikomunikar kadagiti maseknan a local government units para iti pannakaipatungpal dagiti programa, aktibidad, ken proyekto nga adda pakainaigan na iti Marawi City.
Maipalagip a sakbay a nagngudo ti bulan ti Nobiembre, pinirmaan ni Presidente Marcos ti nasao a pammilin.
