LAOAG CITY – Napadayawan dagiti 72 a nadumaduma nga ahensia babaen ti aktibidad nga insayangkat ti Deparment of Education (DepEd) Schools Division of Ilocos Norte.
Daytoy ket pakairamanan dagiti National Agencies, Non-Government Organization (NGO), Local Government Units (LGUs), ken media partner.
Karaman pay ditoy ti;
Office of the Congressan Sandro Marcos iti First District of Ilocos Norte;
2nd District Congressman Angelo Marcos Barba;
Philippine National Police (PNP) – Ilocos Norte;
Philippine National Police (PNP)- Laoag;
Bureau of Fire Protection (BFP) Laoag; ken ti
Provincial Government nga idadauloan ni Gov. Cecilia Araneta Marcos.
Mainaig iti daytoy, karaman ti Bombo Radyo Laoag kadagiti napadayawan gapu iti agtultuloy a suportada kadagiti nagduduma nga aktibidad ti Deparment of Education (DepEd) Schools Division of Ilocos Norte kangrunaan no mainaig ti pagsayaatan dagiti ubbing iti tunggal pagadalan pakairamanan ti panangimpormar kadakuada kadagiti importante a pammilin.
Segun ken ni Atty. Donato Balderas, ti Schools division Superintendent, nagun-od ti DepEd Schools Division of Ilocos Norte ti Most Performing Schools Division iti Region 1 gapu ti agtultuloy a suporta dagiti National Agencies, Non-Government Organization (NGO), Local Government Units (LGUs), ken media partner.
Kabayatanna, kinunana a malaksid iti pammadayaw a nagun-odda ket adadda pay a nakabukel da ti naun-uneg a relasion iti komunidad ken iti tunggal pagadalan.
Gapu iti daytoy nagyaman ni Atty. Balderas iti pannakipagpartisipar ti tunggal maysa gaputa kunana a dakkel a tulong daytoy para iti nasaysayaat pay a panagserbida iti komunidad kangrunaanna kadagiti agad-adal.










