LAOAG CITY – Inpakaammo ni Atty. Donato Balderas, Schools Division Superintendent ti Department of Education – Schools Division of Ilocos Norte Division nga adda dagiti wagas nga ar-aramidenda tapno saan a maapektaran ti academics dagiti ubbing no adda dagiti sumangbay a bagyo wenno didigra.
Inbatadna a no adda dagiti saan a mapakpakadaan wenno mapasamak a didigra a saan laketdi a nakaro daytoy ket adda ti insigida nga ipaayda a learning materials no masuspenso ti klase.
Kunana a saanda metten nga ipalubos nga adda ti Saturday class gapu ta ti remediation ket maipan iti end of the term bloc.
Nupay kasta, inadmitirna a posible latta met daytoy no adda dagiti nakarkaro a situasion.
