LAOAG CITY – Walo a tattao ti natay idinto a nasugatan ti maysa nga ubing kalpasan a narpuug ti maysa a balay idiay Kabul, Afghanistan gapu iti napigsa a gingined.
Basar iti German Research Centre for Geosciences, timmama ti gingined nga addaan ti kapigsa a magnitude 5.9 iti rehiyon ti Hindu Kush, nga addaan ti kauneg a 177 a kilometro.
Narikna ti napigsa a panagdayyeg iti nagduduma a lugar karaman ti Islamabad iti Pakistan, kasta met ti Kabul ken New Delhi iti India.
Mabigbig ti Afghanistan iti panagbalin a bulnerable kadagiti didigra gapu iti kabanbantayan a geography na no sadinno a dagiti gingined ti maysa kadagiti karisgoan a mapaspasaran ti pagilian.
