LAOAG CITY – Insalinungen ti PNP ditoy Ilocos Norte ti kaadda dagiti walo a lugar a naiget a sipsiputan da iti daytoy masungad a midterm elections.
Nasangaili idi kalman bayat ti regular session ti Sangguniang Panlalawigan ni P/Supt. Richmond Tadina Deputy Prov’l Dir. for Administration ti PNP Prov’l Office a nangibaagan na kadagiti lugar a maibilang a Category 1 ken Category 2.
Dagiti lugar nga adda iti Category 1 ket Laoag City, Dingras, Pagudpud, Marcos, Sarrat ken Solsona idinto a , Category 2 ti ili ti Badoc ken Pasuquin.
Kuna ni Tadina a ti nagibasaran da iti nangibagaan da nga adda iti category 1 dagiti nasao a lugar ket ti kaadda dagiti naglabas a pakasaritaan dagitoy itay kallabes nga eleksiyon kas iti makunkuna addaaanen dagiti naglabas a kapadasan ti eleksiyon kas iti extravagant experience.
Idinto a ti category 2 ket dagiti lugar nga adda dagiti posibilidad a pangta ti armed group, terorista ken seryoso a pangta ti paltog.
Kwinestionaran met daytoy ti maysa a bokal a taga Laoag ti pannakaibilang ti Laoag iti nasao a kategorya.
