LAOAG CITY – Naidumduma a banag ti nabirukan iti uneg ti freezer ti maysa a baket a pimmusayen idiay Virginia, U.S.A.
Inbatad ni Andy Wiseman a pimmusay ti lola na idi Setyembre 2, 2024 iti tawen na a 90.
Kuna na nga iti panagdalos ti ina na iti freezer ti pimmusay ti lola na ket nakita na ti frozen biscuit nga adda ti naka-attach a note a naaramid pay laeng daytoy idi 1940, kayatna a sawen ket 84 a tawenen ti nasao a biscuit nga adda iti uneg ti freezer.
Iti panangipost ni Andy iti nasao a biscuit iti online ket alisto a nagviral, ngem ti dakkel a saludsud kadakuada ket no siasinno ti nangaramid iti daytoy.
Burburtiya pay iti pamilya no apay a saan a kinnan ti lola ni Andy ti biscuit ken iningungutan na iti naunday a panawen.
