LAOAG CITY – Kinontra ti Iran ti agtultuloy a military build up ti Estados Unidos iti Middle East.
Inbatad ni Iranian Foreign Minister Abbas Araghchi a saan a sungbat ti gubat tapno naan-anay a maikkat ti nuclear program-da.
Napateg ti panangiwayat ti diplomasia ken panagtataripnong.
Kunana a ti ar-aramiden ti Amerika a panangikabil kadagiti warships daytoy iti kabaybayan nga asideg iti Iran ket saan a makatulong ken awan ti serserbina.
Naammoan a no adda ti maiwayat pay nga airstrikes ket saanen a makaipaay ti nasayaat iti dua a pagilian ken sigurado a naruay dagiti mairamraman.
Maipalagip a nangipaay ni United States President Donald Trump ti agingga iti 10 nga aldaw iti Iran nga agsungbat iti panagsinnarita tapno naan-anayen a mapukaw ti panagaramidda ti nuclear program.
