LAOAG CITY – Nangrugin a naipaayan ti tulong-pinansyal dagiti 86 a solo parent iti ili ti Solsona.
Segun iti lokal a gobierno, makaawat ti sangaribo a pisos iti tunggal maysa iti kada bulan.
Gagem daytoy a programa a tulungan dagiti solo parent, balo man wenno dagiti separated tapno malag-anan dagitoy iti panangpaadal da kadagiti annak da.
Innayon ti lokal a gobierno, nu makagradwar dagiti annak da ket makaawat man dagitoyen iti 1500 a pisos.
Ti pondo a mausar para iti nasao a programa ket aggapu iti revenue iti nasao nga ili.
