LAOAG CITY – Kinumpirmaran ni Police Captain Joseph Tayaban, chief of police ti PNP-Badoc ti pannakatiliw dagiti sangapulo nga indibidwal iti Barangay Alay iti nasao nga ili gapo iti panagsusugal.
Segun kenni Tayaban, adda ti timmawaga kadakuada nga adda ti agsusugal iti nasao a lugar isut gapo na a dagus da a nagresponde ken naaktuan da nga agay-ayam dagitoy ti baraha.
Saan met nga innaganan ni Tayaban dagiti suspek ngem kunana a dagitoy ket agtawen ti 22 agingga ti 62, ken dagitoy ket agkakarubba.
Naamoan manipud kenni Tayaban a kadagiti sangapulo a nagsusugal ket siyam kadagitoy ti babai ken maysa ti lalaki.
Nakumpiskar dagiti otoridad ti maysa a set ti baraha ken nasurok 500 a pisos nga isu ti nabati iti lamisaan kalpasan a dagitoy ket nagtataray idi addan dagiti pulis ngem naala da met laeng dagitoy.
Inbatad pay ni Tayaban nga ita nga aldaw ket pakumpirmaran na iti DSWD no adda ti 4Ps wenno SAP benificiaries kadagiti nasao a suspek.
Mainaig iti daytoy, kuna ni Tayaban a nabayagen nga agay-ayam dagitit suspek ken ita da laeng a natiliw.
