LAOAG CITY – Umabot iti siyam a milyon nga agtutubo nga agtawen ti 0 agingga iti 18 ti agtultuloy a supsuportaran ti Department of Social Welfare and Development (DSWD) Pantawid Pamilyang Pilipino Program (4Ps) iti babaen ti panangipaay ti tulong pinansyal tapno masigurado a makaadal dagitoy ken maipaayan da ti naurnus a salun-at.
Daytoy ti inrakurak ni Department of Social Welfare and Development Spokesperson Asst. Secretary Irene Dumlao.
Segun iti opisyal, basar iti December 2024 record, natulungan ti programa ti 1,013,769 monitored child nga agpapada a nakaturpos iti panagadal manipod iti sekondarya ken 476,289 monitored Pantawid Pamilyang Pilipino Program children iti elementary level.
Innayon na a malaksid iti daytoy ket agarop 40,000 a dati a Pantawid Pamilyang Pilipino Program beneficiaries ti nakapasa iti nagduduma a board examinations no sadinno nga 65 kadagitoy ti nag-top.
Inpakaammo pay ni Asst. Secretary Dumlao a ti 4Ps ket addaan ti nasurok a 4 million active households na idi 2024, no sadinno a ti Bicol Region ti kaaddoan ti bilang a 377,147 a miembro.
