Umabot iti maipagarup 91,000 a residente ti naapektaran ti ashfall manipud iti Mayon Volcano kabayatan ti agtultuloy a clearing operations ken pannakai-rekord dagiti pimmusay a taraken iti sumagmamano a lugar.
Segun ken ni Guinobatan Mayor Anna Gemma Ongjoco, umabot iti maipagarup a 26,654 a pamilia wenno 91, 225 nga indibidual iti probinsia ti naapektaran ti ashfall kabayatan nga umabot met iti 41 a barangay ti nagaboran ti napuskol a dapo a mangted problema ti inaldaw-aldaw nga aktibidad dagiti residente.
Malaksid iti daytoy, nagaboran pay ti dapo dagiti pagay a dandanin maapit.
Kabayatanna, agtalinaed iti lert Level 3 ti Mayon Volcano, a kayatna a sawwen adda posibilidadna nga agalburoto manen daytoy.
