LAOAG CITY – Naminpinsan a dimmapo ti maysa a balay iti Barangay 24 ditoy ciudad ti Laoag.
Segun ti report, agarop alas-onse idi rabii idi nangrugi iti uram ken nagpaot daytoy agingga iti pasado alauna itay parbangon.
Naamoan a ti nasao a ti nauram ket family house da Doctor Melvin Manuel, ti mangidadaulo iti City Disaster Risk Reduction and Management Council (CDRRMC) ditoy ciudad ti Laoag.
Mainaig ti daytoy, inbatad ti maysa a karruba da Doctor Manuel a ni Mr. Willie Aquino, agarop alas-onse idi makariing ken dakkelen ti apoy.
Kuna na a dagiti laeng agkaskasera ti agnanaed iti balay ngem awan dagiti nadangran gapu nakarwar amin dagiti adda iti uneg sakbay a dimmakkel ti apoy.
Innayon na a segun iti imbestigasyon, nagpalukneng ti bulalo dagiti maseknan ken maipagarop a naggiinum da kalpasan ket nakaturog da.
Rumrumuar a saan da a nasebseban ti apoy a naglutuan da ti bulalo ken possible a daytoy ti nangrugyan ti apoy.
Naamoan a ti nasao a balay ket naaramid ti light materials ti kaadoan a partes na.
Agtultuloy ti imbestigasyon dagiti otoridad seknan iti napasamak nga uram.
