LAOAG CITY – Ibilang dagiti residente nga agtagikua iti fishponds idiay Brgy. 35 Gabu Sur ditoy Ciudad ti Laoag a dakkel ti pannakalugi da gapo ta kankanen dagiti migratory birds dagiti lames iti fishpond.
Kinumpirmaran ni Brgy. Chairman Gil Ramos a nagsasaruno ti pannakatiliw da kadagiti nagduduma ti klase na a tumatayab kas iti kannaway, teggaak, agila ken papa.
Segun kenkuana, pagpies-piestaan dagiti tumatayab dagiti nakalukat a fishcages wenno awanan iti fishnet.
Gapu ti daytoy, maluksaw ti kapitan gapu iti mapaspasamak kadagiti taraken da a lames.
Immunan nga inpakaammo ti kapitan iti biang ti Bureau of Fisheries and Aquatic Resources iti mapaspasamak iti barangay da ngem napan da laeng nagikabil iti fishnet kadagiti fishcages tapno maliklikan ti pannakaibos dagiti taraken da a lames.
