LAOAG CITY – Napalaos ti ragsak ken panagayaman ni SPO3 Ma. Christina San Juan, deputy chief of police ti PNP-Pinili gapo iti pannakapadayaw kas maysa kadagiti iti Investigation category.
Segun kenni San Juan, nagbalin nga awardee iti national babaen ti panangiyendorso ti INPPO kenkuana iti Regional Office agingga a nakadanon iti National.
Mamati a napadayawan daytoy gapo kadagiti nagbalin nga accomplishment ken ti kina-chief investigator uray babai.
Malaksid iti daytoy, kunana a babaen pay daytoy iti panagbaba ti bilang dagiti mapaspasamak a krimen iti nasao nga ili.
Inbatad na nga inaramid na ti kabaelan na tapno magun-od na ti nasao a pammadayaw.
Inlawalwag na nga idi naamoan na a maysa isuna kadagiti mabalin a mapadayawan ket napigsa ti pakinakem na mangabak.
Naamoan nga 18 da a naglalaban ket pito kadagitoy ket opisyal.
