LAOAG CITY -Inpakaammo ni Engr. Roy Tomas, mangidadaulo iti city engineering office ditoy siyudad ti Laoag nga apektado dagiti proyekto nga ipatpatungpal da gapu ti panagkurang ti suplay ti semento ditoy probinsya.
Segun kenni Tomas, pati ti presyo dagiti semento ket apektado ken awan ti maaramidan dagiti contructors no saan a gumatang latta uray nangina gapo ta masapol daytoy kadagiti nagduduma a proyekto da.
Apektado pay ti performance dagiti contructors gapo iti kinakurang iti semento kangrunaan na iti proyekto da iti gobierno.
Inlawlawag na a ti maar-aramat a klase ti semento ket portland a para kadagiti dadakkel nga imprastraktura idinto a ti posoland ket para iti panagaramid ti hallow blocks.
Gapu ti panagkurkurang ti suplay ti semento a portland ket apektado dagiti proyekto nga imprastraktura iti lokal a gobyerno ditoy siudad ti Laoag.
