LAOAG CITY – Manamnama a maiyuswat ti closing program iti Region 1 Athletic Association (R1AA) Meet iti oras ti alas-nuebe agingga iti alas-diyes ita a bigat.
Ti R1AA ket nangrugi idi Marso 6 ken sinalipan dagiti nagduduma a delegado manipud kadagiti probinsya ti Rehiyon 1.
Kabayatanna, nagtalinaed pay laeng a kaadoan ti balitok a medalya ti ciudad ti Dagupan iti manarimaan a R1AA Meet ditoy probinsya.
Iti agdama ket nakagun-oden ti ciudad ti Dagupan iti 86 gold medal, 63 a silver medal ken 54 a bronze medal.
Ngimmato met iti maikadwa a pwesto ti Pangasinan II nga addaanen ti 57 a balitok a medalya, 50 silver ken 40 bronze.
Nagbalin met a maikatlo ti Ilocos Norte nga addaanen iti 53 a gold medal, 39 a silver medal ken 60 a bronze medal.
Kabayatanna, iti Special Games, idadaulwan met ti San Carlos City nga addaanen ti 31 a gold medal, 18 silver ken 12 bronze.
