LAOAG CITY – Inmandar ti Sugar Regulatory Administration (SRA) iti amin a sugar production para iti 2026 agingga iti 2027 crop year a para laeng iti domestic use gapu iti mapaspasaran a panagkurang ti apit ti unas.
Iti babaen ti Sugar Order 1, naklasipikar ti Sugar Regulatory Administration ti 100 percent a sugar production para iti 2026 agingga iti 2027 crop year kas “B,” wenno domestic market sugar.
Binalakadan pay ti ahensya ti amin a sugar mills, planters, traders ken dadduma pay a maseknan a partido tapno siguradwen nga amin a lokal nga asukar ket mausar laeng ditoy pagilian.
Mapatta-patta a ti local sugar production ket bumaba iti 10.3 percent wenno 1.66 million a metriko tonelada manipod iti 1.85 million a metriko tonelada iti napalabas a tawen.
