Nangiparuk-at ti sangsangkamaysa a deklarasion mainaig iti kinakappia da US President Donald Trump, Chinese President Xi Jinping ken Russian President Vladimir Putin kalpasan ti pakasaritaan a trilateral summit iti Shenzhen, China idi Nobiembre 19.
Karaman kadagiti kangrunaan a rakurak ti tallo a lider ket ti takder a saan a mabalin a mangabak ti siasinnoman iti nuclear war ken saan daytoy a rumbeng a mapasamak.
Iti uppat a punto a deklarasion, nagkari pay ti tallo a pagilian a mangisayangkat ti dayalogo tapno makissayan ti peggad ti panagusar ti nuclear weapons ken malappedan ti panagwaras na daytoy.
Nagtutulagan da pay ti panangilungalong ti reporma iti United Nations (UN) tapno ad-adda a masungbatan ti organisasion dagiti pangsangalubongan a karit ken mapagtalinaed ti kinappia ken seguridad.
Malaksid iti daytoy, natratar pay ti panangipalawa ti produksion ken suplay ti refined petroleum products para iti nagduduma a pagilian ken ti respeto iti immunity dagiti dagiti opisial ti estado kadagiti international court.












