Plano da US President Donald Trump, Russian President Vladimir Putin ken Chinese President Xi Jinping ti agkikita ken agtataripnong iti sidelines ti summit iti China iti sumaruno a lawas.
Segun iti White House, ti pakasaritaan a panagtaripnong iti nagbaetan dagiti mangidaulo iti US, Russia ken China ket maiyuswat iti panagatendar ni Trump iti Asia-Pacific Economic Co-operation (Apec) summit iti ciudad ti Shenzhen.
Inbatad ni spokeswoman Olivia Wales a karaman kadagiti kalikagom ni Presidente Trump a pagsasaritaan da ket ti pannakaipababa ti nuclear weapons iti lubong gapu ta mamati a daytoy ket narisgo.
Possible pay a mapagsasaritaan ti Iran kabayatan ti taripnong dagiti maibilang kas biggest nuclear powers iti lubong, ngem saan ti Ukraine.
Addan ti panangkumpirmar ti Russia ti panagatendar ni Putin iti taripnong idinto nga awan pay ti komento ti China.
Awan met ti namnamaen a katulagan a maipatungpal kalpasan ti taripnong.
