Naikeddeng nga isayangkat da US President Donald Trump, Russian President Vladimir Putin ken Chinese President Xi Jinping ti kaunaan a three-way meeting dagiti lider ti Estados Unidos, Russia ken China iti Schenzhen inton sumaruno a lawas iti sidelInes ti Asia-Pacific Economic Cooperation (APEC) summit.
Segun iti White House, gagem ni Trump a trataren iti taripnong inton Huebes, ti panagkissay ti nuclear arsenals iti lubong ken ti agtultuloy a rinnupak ti Amerika iti Iran.
Nupay kasta, saan a manamanama a trataren ti rinnupak ti Russia iti Ukraine gapu ta agina a negosasion ti Washington iti baet ti Kyiv ken Moscow no sadinno saan a paset ti China.
Kaduaen ni Tesla ken SpaceX boss Elon Musk ni Trump iti biahe ngem saan daytoy makipaset iti taripnong, kabayatan a maadaan ti agsina a bilateral working lunch da Trump ken Xi ngem awan pay naikeddeng nga one-on-one meeting ken ni Putin.
Inpasigurado pay dagiti opisial ti Amerika a saan a trataren iti taripnong da Trump ken Xi ti panagbaba iti posision ni Nvidia CEO Jensen Huang ken ti export controls ti Estados Unidos kadagiti sensitibo a chip technology.
Sakbay nga agturong iti China, naikeddeng a tumalaw ni Trump iti Washington inton Lunes ken manamanma a sumagpet iti Pilipinas iti Martes tapno agatendar ti ASEAN Summit.
