LAOAG CITY – Nangipaay ti tulong ti Regional Mobile Force Battalion (RMFB) iti 2nd Platoon 101st Maneuver Company kadagiti estudyante ti maysa a pagadalan idiay ili ti Bangui.
Segun kenni Pol. Lt. Christian Lee Badua iti RMFB, nangipaay ti school supplies dagiti miyembro ti RMFB kadagiti estudyante iti Suyo Elemenary School iti Brgy. Baruyen iti nasao nga ili.
Inbatad na nga adda ti maysa nga aktibidad ti RMFB nga aw-awagan da a “101 ways to serve” a sakbay a sumrek ti classroom iti ubing ket agpili iti imahe nga aramaten dagiti RMFB.
Kuna na a maragsakan dagiti estudyante a makakita kadagiti pulis ken saan da a mabuteng.
Innayon na nga agtultuloy da nga agipaay ti tulong kadagiti eskwelaan ditoy probinsya ken 1st district iti Ilocos Sur para iti School Outreach Program.
Target ti RMFB a ti sumaruno nga outreach program ket maiyuswat met idiay ili ti Adams.
