LAOAG CITY – Nagsubli manen kas head coach ti Philippine men’s national volleyball team ni Dante Alinsunurin kalpasan nga inanunsio ti Philippine National Volleyball Federation (PNVF) ti panagbaliw ti panangidaulo ti Alas Men ken Alas Women.
Segun ken ni Philippine National Volleyball Federation executive director Atty. Miguel Carlos Pacifico Suarez a pagtalkanda manen ni Alinsunurin iti panangidaulo iti Alas men kalpasan ti pito a tawen a panangidaulona iti koponan iti pakasaritaan a pannakagun-od ti silver medal iti 30th Southeast Asian Games idi 2019.
Sukatan ni Alinsunurin ti Italian mentor a ni Angiolino Frigoni a nadutokan kas head coach ti Alas Women.
Paset daytoy iti ad-adda a napalawa a panagsagana ti Philippine National Volleyball Federation para iti agtultuloy a programa iti nasional a koponan, partikular iti dandani a panag-host ti pagilian iti 2029 Fédération Internationale de Volleyball wenno FIVB Volleyball World Championship.
Nupay kasta, manamnama nga agserbi ni Frigoni ti panangidaulo iti Alas Women.
