LAOAG CITY – Inlawlawag ni Fr. Christian Funtanares iti Basilica Minore of Sto. Niño de Cebu ti kangrunaan a gagem ti panangikabil da ti Senior Santo Niño ditoy probinsya.
Inbatad na a ti immuna a napanan da ket idiay ili ti Vintar ken ita nga aldaw ket idiay ili ti Piddig.
Inpakaammo ti padi a ti sumaruno a papanan da ket idiay ili ti Dingras ken maudi ditoy ciudad ti Laoag.
Naamoan nga intono Oktubre 19 ket addan ton ti Senior Santo Niño idiay probinsya ti Leyte.
Segun ken ni Father Funtanares, gagem ti pannakaisursuro ni Senior Santo Niño ket tapno maiwaras ti ebanghelyo iti Diyos a makaipaay ti namnama ken inspirasyon kadagiti tattao.
Ti Senior Santo Niño ket agtalinaed ditoy probinsya agingga intono domingo, setyembre 15 ita a tawen.
