LAOAG CITY – Dead on arrival ti driver ti tricycle kalpasan a nakadinnungpar na iti maysa a kotse iti paset ti Garasgas Bridge iti Brgy. Billoca iti ciudad ti Batac.
Daytoy ti kinumpirmaran ni Poilce Major Artemio Clemente iti hepe ti PNP Batac.
Nabigbig ti driver ti tricycle a ni Howard Castro, agtawen ti 34, naasawaan ken residente iti Brgy. Baligat iti nasao a ciudad idinto a ti driver ti kotse ket ni Jomar Abella, agtawen ti 34, naasawaan, OFW, ken residente iti Brgy. Abucay iti ili ti Piddig.
Basar iti imbestigasyon, naggapo iti amianan ti tricycle ken naggapo iti abagatan ti kotse idinto a nagovertake ni Castro rason a nagdinnungpar dagiti dua a lugan.
Naamoan a nakainom ti nasanger ti biktima kadwa na ni Eric Lagmay, agtawen ti 37, mannalon ken residente iti Brgy. Baligat iti nasao a ciudad kalpasan a naggapo dagitoy iti maysa a Christmas Program.
Segun kenni Clemente, igawgawid dagiti pamilya ti biktima nga agatendar iti Christmas program ngem inpilit latta dagitoy.
Gapu iti dayta, dead on arrival ni Castro idinto a nasugatan met iti ulo ti kadwa na a ni Lagmay idinto a saan met a naan-ano ni Abella ken dagiti 5 nga inlugan na.
Nadadael iti sango a parte ti kotse idinto a naisina iti ligay ti tricycle ken natukkol iti manibelana.
