LAOAG CITY – Nagpakamatay ti maysa a construction worker iti uneg ti barracks da iti Brgy. 4 Sta. Maria iti ili ti Vintar.
Nabigbig ti biktima a ni Edgar Baisa y Parungo, agtawent ti 34, addaan ti live-in partner ken residente iti Brgy. 4 iti ili ti Bacarra.
Basar iti PNP, nadiskubre ni Lorna Saraña y Daguman, agtawen ti 42, ti live-in partner na a nakabitin iti uneg ti barracks da.
Inadmitir ni Saraña bayat ti panangimbestigar kenkuana ti PNP a nagapa da gapu ti selos.
Kuna na a gapu ti argumento da nga agpartner ket saan a naturog iti abay na gapu ti panagamak na madangran manen.
Innayon ni Saraña nga idi Enero 17, 2020 ket nakaawat ti mensahe a nagpangta ni Baisa nga agpamakatay ngem saan na nga inkankano daytoy.
Kabayatanna, awan ti nakita ni Dr. Heidi Maritha Albano, Health Officer iti nasao nga ili a foul play ken uppat agingga iti innem nga oras a natay sakbay a madiskubre daytoy.
