LAOAG CITY – Inbutaktak ni Police Capt. Sheryll Guzman, hepe ti PNP Burgos a panagkantyaw ti gapuna a natagbat ti maysa a lalaki iti Sitio Balbalayang, Brgy. Poblacion iti nasao nga ili.
Kuna na a panggep ti baro ken daan a lugan ti nasao a pasamak a nakasugatan ni Roger Balbas y Gonong, meat vendor ken residente iti Bgy. Manayon iti nasao nga ili.
Inlawlawag ni Guzman a kinantiawan ti biktima ti suspek a ni Elizer Agustin y Pascua, mannalon ken residente met laeng iti nasao a barangay gapu iti kinadaan ti kotse na idinto a kabarbaro ti lugan ti biktima a maysa a Ford Ranger.
Naamuan nga agkabbalay laeng ti suspek ken ti biktima.
Innayon na a porsigido nga agpila ti reklamo ni Balbas kontra iti kayong na a suspek.
Maipalagip a napasamak ti panagtagbat bayat nga agiinom da iti pagtaengan da idi ta rimsua ti panagkantiaw.
Saan met a napakaruan ti biktima gapu ta maiyarig a karamot ti sinagaba na a sugat iti akin kannigid a paset ti bukot na.
