LAOAG CITY – Nagkarambola dagiti uppat a lugan iti gilbert bridge ditoy siudad ti Laoag.
Daytoy ti inpakaammo ni Mrs. Melody Baynosa, motorista, maysa kadagiti nakaimatang ken dandani a nairaman iti pasamak.
Segun kenkuana, adda ti napaspas a montero sport nga addaan ti plate number IAB 4396 a nag-overtake kadakua da bayat nga agpapaamianan da a direksiyon a nangitunda ti karambola.
Kuna na a sarsarunuen da ti tricycle a karaman ti karambola.
Karaman iti nasao nga aksidente ket SUV, Elf Truck nga addaan ti plate number ACL 1569, Delivery van nga addaan ti plate number XFB 167 ken ti tricycle nga addaan ti sidecar number B-48-837 Laoag City.
Iti nakalap ng impormasyon ti Bombo Radyo Laoag ti SUV ket partisipante iti maysa a motorcade.
Rumrumwar a naaddaan ti mechanical failure ti Delivery Van rason a nadungpar na ti Elf Truck.
Gapu iti impact, nairamraman a nadungpar ti Elf truck ti SUV nga adda iti sango ken nagderderetso ti tricycle rason a nadungpar na ti likod ti delivery van.
Agtultuloy ti imbestigasyon dagiti kameng ti PNP Traffic Division ditoy siudad ti Laoag
