LAOAG CITY – Kinumpirmaran ni Mr. Eric Antonio, maysa a negosyante, a naibusen ti suplay ti face mask ditoy probinsya.
Daytoy ket gapu ti panagpanic buying dagiti tattao iti Metro Manila.
Kuna na a marigatan dagiti suppliers ti mangipatulod ti suplay ti face mask ditoy probinsya.
Inbatad ni Antonio a kaadduan dagiti suplay ti face mask ket aggapu idiay China rason a marigatan nga agimport dagiti supplier.
Inbalakad na a no awan ti importante a papanan dagiti tattao nga agusar ti face mask ket nasken nga agtalinaed iti pagtaengan.
Innayon ni Antonio a ti nabatbati a suplay na ti face mask ket inburay-buray na iti kada box a gatangen dagiti aggatang.
Agtalinaed met ti presyo ti face mask no adda iti suplay nga umay ditoy probinsya.
