LAOAG CITY – Nagyaman ni Mr. Mike Macatbag, iti San Diego, California tubo iti ili ti San Nicolas ken naikamang iti ili ti Sarrat, kenni Presidente Donald Trump gapu ti nagappuanan na para kadagiti tattai iti Estados Unidos.
Daytoy ket pakairamanan ti seguridad ti intero nga Estados Unidos, Health Care, Tax reform, trabaho ken dadduma pay para iti publiko.
Kuna na a ni Trump pay laeng ti nakaibaba ti unemployment rate, buwis, presyo dagiti magatgatang ken dadduma pay iti Amerika kalpasan ti 50 a tawen.
Segun kenni Macatbag, amin nga inkari ni Trump ket matungtungpalen kangrunaan iti pannakaipaay ti libre a panagadal dagiti mapili nga etudyante.
Inbatad na a naited met laengen dagiti nabayagen nga iyur-uray da babaen ti administrasyon ni Presidente Trump.
Innayon ni Macatbag a dayawen na iti addang ni Trump a pannakaipawil a makastrek dagiti iligal immigrant iti Estados Unidos.
