LAOAG CITY – Inlawlawag ni Atty. Domingo Cayosa, national president ti Integrated Bar of the Philippines, ti inpila ni Solicitor General Jose Calida a quo warranto petition kontra iti TV network nga ABS-CBN.
Kuna na a kukuwestionaran ni Calida ti rason no apay nga agtultuloy ti panagbroadcast ti nasao a network nupay nasalungasing na ti prangkisa.
Inbatad ni Cayosa a basar iti petisyon ket adda ti scheme nga adda ti ganganaet a possible a nakibiang iti management ti network.
Segun kenni Cayosa, iti panagoperar ti maysa a network ket masapul a Pilipino ti mangimaniher wenno akin kukua.
Inlawlawag na a saan a karaman iti prangkisa iti panagpabayad da kas iti“pay-per-view”a maysa pay a makitkita a sinalungasing ti nasao a TV network.
Nupay kasta, naisumitiren ti petisyon iti korte suprema ken makaammo no anya iti aramiden da nga addang no pagsungbaten da dagitoy.
Innayon na a nasken a maipakat ti rule of law iti panagtaming ti nasao a petisyon.
